Berî Meha Remezan Kontrolên Xwarinê Hatin Zêdekirin

Berî meha Remezanê, ji bo ku gel bigihîje xwarinên paqij û ewledar, ji aliyê ekîbên zabîtaya şaredariya me ve li seranserê navçê kontrolên berfireh ên xwarinê tên kirin. Kontrol bi hevkariya personelên Midûriyeta Çandinî û Daristanê ya Farqînê ve tên meşandin.

Di dema kontrolên ku li hemû karsaziyên firotina xwarina tên kirin de, bi taybetî market, firûn, qesab û pastaxana, dema dawî ya bikaranîna hilberan, mercên paqijiyê, rastiya giramaja, etîketên bihayê û destûrnameya cihê kargehan bi baldarî tên kontrolkirin.

Herwiha, tîmên teftîşê lêkolîn dikin ka karmend rêgezên paqijiya kesane dişopînin û şert û mercên paqijiya giştî li cihên kar pêk tînin an na.

Di dema kontrolan de, cihên ku rewşên dijî qanûnê tên dîtin li wan hişyariyên pêwîst tên dayîn, li hember kargehên ku têkildarî ciddî tên dîtin jî pêvajoyên qanûnî tên sepandin. Berpirsiyar, bi destnîşankirina ku kontrol bi bênavber dê di tevahiya meha Remezanê de jî bidomin, girîngiya parastina tenduristiya gel xist pêş.

Şaredariya me bi biryardarî xebatên xwe yên teftîşê didomîne da ku welatî bikaribin bi aramî danû-sitendinê bikin, û em ji dikandaran jî dixwazin ku di pabendbûna rêzikan de hesasiyet nîşan bidin.

Berî Meha Remezan Kontrolên Xwarinê Hatin Zêdekirin

Vê naverokê parve bike:

Nûçeyên Din0